Toblerone-ísterta

Gómsæt Toblerone uppskrift sem hentar vel fyrir öll tækifæri.

Innihald

Botninn

• 170 g hafrakex
• 2 msk. kakó
• 2 msk. púðursykur
• 80 g smjör brætt

Ísinn

• 4 eggjarauður
• 4 msk. sykur
• 225 g Toblerone
• 3-4 msk. vatn
• 4 dl rjómi, léttþeyttur
• 3-4 stk. Daim single, saxað (eða 100 g Toblerone)

Aðferð

Botninn:
Myljið kex fínt með kökukefli eða í matvinnsluvél. Bætið kakói og púðursykri út í ásamt smjöri og blandið vel. Hyljið botninn á 26-28 cm smjörpappírsklæddu smellumóti. Leggið til hliðar.

Ísinn:
Hrærið saman rauður og sykur þar til blandan verður ljós. Bræðið Toblerone og vatn saman, bætið út í eggjablönduna og blandið vel saman. Bætið þeyttum rjóma saman við, fyrst smáslettu og síðan öllu. Hellið í formið og frystið í 2 tíma eða þar til ísinn er orðin það stífur að súkkulaðibitarnir sitji á yfirborðinu. Setjið kurlað Daim eða Toblerone yfir og frystið aftur.